Yn y gyfrol hon ceir un ar bymtheg o straeon, amrywiol o ran hyd a dyfais. Canolbwynt y digwydd yw Cwmadda, ardal wledig, gyn-ddiwydiannol ar gwr Eryri. Oddi yno eir am dro i drefi llawr gwlad, Aberadda a Chaeradda, weithiau cyn belled â Chaerdydd, Llundain a Ffrainc, drwy Uffern, Purdan a Pharadwys, i Fryniau Meirionydd, i'r Dreflan a thair gwaith i Aberystwyth. Gwelir fod y straeon mewn amrywiol gyweiriau. Ond y prif gywair yw dychan. A beth yw'r cnul hwn yn y cefndir?